قادین

هر قادین بیر المادیر خییاواندا

هر الما بیر قادین اغاجدا

کیمیسی پول وئریب الار

کیمیسی بئجردیب ساتار

قادین قانلان

بسلنمیش ادین

قیرمیزی

چارراه دایام اونومده کی چیراغ قیرمیزی
التی ...    اوچ ...  
 هی دایان گئتمه...
سانکی ایلک گئجه دیر
قادینین قانی خییاواندا قیرمیزی
باغیشلا     اغا    بیر وراق
سبز  یوخ     ایکی یوز قیرمیزی
چونکو چای قیرمیزی
اچین اچین گونشی اچیلیب دامارلاریمدادی قیرمیزی
توتدورموشام بارماقلاریمین اراسیندادی هیریم یوخ بیریسی یاندیریر قیرمیزی
ای دوستلار من قادین سئومیرم اونومده کی اوغلان قیرمیزی
بیز یاخچی دوست اولا بیله ریک
یوخ یوخ اولماز قیرمیزی
******
گلین گلین    
              اپارین
                      بامادورلار قیرمیزی

freedom

آچ گؤزلریمی باخ، جیبلریمده دیر

گتیرمیشم جوجه لری

 قایتار منه دمپایالاریمی

هلم ده اونلارلا بو شهرده دولانماقیم گلیر ،

هلم ده معصوم لیقیمدان دؤیمامیشام

یاخینلاش

دهشت قوخوسون ال لرین

دهشت قوخوسون گؤیدن

آچ گؤزلریمی

 قارانلیقدا داهادا چیرکین له شیرسن

سن قارا کؤینک لی، ترور آدلی بیریسی

آددیملارسان بمبالار پاتلار

من آغ کؤینک لی آزادلیق آدلی بیرسی

 سنی اونوددوران

نه ایسه کی بو شهر سنه بورجلو درو

سن اؤلدوردوکجه وار اولور بویویور

قاری کورپوسو سنین کی دیر

ششگلان سنین کی دیر

قوم تپه ده کی معتادلار وارلیقین دامارلاریندا  ایتیرسه بئله سنین کی دیر

هن سن اولاماسان

بیر گئجه سس سیز جه

تبریز

 تاریخ دن  توْیر...

 

madmazel

dur dodaqlarını çək boğazımdan vampir

otur birazca siyasətdən danışaq

hükümdarlar corablarını özləri yuvar

əəəhhhhhhh...

səs siz ol madmazel

yatağın səsi düşdü başıma gəl yerdə uzanaq...

yerlə belivin arasındaki boşluqu əlimlə doldurduqumda ənkəh to ( انكحت موكلتي فلانة لموكلي فلانا في المدة المعلومة علي المهر المعلوم)

yadımızdan çıxdı olsun....

- bugün əziz pirizdentimiz tiribonun arxasına çıxıb dedi

-amerikanin anasini....

ehh televiziyonu bağla səndən istədiyim sadə atmosfer

ama indi sevinc içindəyəm

əllərim gödəvə toxunduqunda vecimə gəmir dünya

əyilib bir dodaqlıq fasile golaqıva

madmazel pulum yox sonra hesablaşarıq

INQILAB

Faşisti fikirlər küçədə oynayan

Uşaqların topunu PATLATDI

Tam da INQILABA hazırlanmişdım

Ki...!

Duvardaki saat durdu...

Pəncərədən birisi QIşQIRDI hey sən...?

Tam da INQILABA hazırlanmişdım ki...

tutuldum!

مخالف یا موافق...؟

دست هایش را در مسیر رود می کشید

و زیر لب می پرسید

چه فرقی می کند

مخالف یا موافق...؟

جز به تاخیر انداختن حرکت مگر کار دگر می توان کرد

کوزه از رود پر کرد

بر دوش نهاد و راه افتاد

رفت رفت...

درختی دید که از دیدار مداوم خورشید

به خاک افکنده سر

به پایش نشت         آب و جانش داد

سبز گشت..

تو به تویی خود تنید 

شاخه هایش را چنان چون دست پهلوان بالا گرفت

خواست به اسمان رسد....

خسته از تکبر شد

تف بر دو دستش تبر گیراند

و زیر لب  پرسید

چه فرقی می کند

مخالف یا موافق...؟

جز به تاخیر انداختن حرکت مگر کار دگر می توان کرد

issiz bir sheir

Səni təkcə mən unuta bilmədim

Yoxluqunda adının baş hərfiylə başlanan adları sevdim

Ana

Ata

Alah

Səni sevmək və unutmaq nədir ki

Başladığım bu yolda

Başıma nələr gəlmədi nələr

Çər pələngimi əlimdən aldı yellər

Aynalar məni sənsiz göstərdilər

Cürlediyim kağazdan gəmiləri

Hovuzun suyunda batırdım batdım

Hər şeyi sənə bənzəddim

Mən sən dolusu şəhərdə yaşadım

Sağolsunlar unutturmadılar

Güldüyündə günəşi qovduğundan sonra uşaqlar

Gülməni xatırladım

Ağladım qarlar yağdı

Kəfən kimi oldu şəhər

 birisi ölmüş olmalıydı  amma

kim olduğunu bilmədim

bağçamızda qardan adam cürlədim

gəlməyin üçün nəzirlər dedim

ona sevdiyimi dedim

bir gün ələrimlə qardan adımın başından tutub

qulaqına o qədər danışdım ki səni görməyə dayana bilmədi əridi

ana bax ələrimə

sevdiyim qızın əllərini taşıya bilmədilər diye

bir birlərini döymüşlər

ata gəl kəs bunları

allah yolunda

gəlməyəcək bilirəm mən heç onu sevmədim

gözlərində təkcə özümə baxmaqı sevdim.

 

آغلاما سیل گوزلرینی
بانکانی داشیرداماق ایستیرسن
یادا…
گوز یاشلاریندا اؤزونو بوغماق
بیلیرم
گوزلرین ماویدیر اما بوردان چوخ اوزاقدادیر دنیز
بدنین قیزیلدیراما بوردان چوخ اوزاقدادیر گونش
******************
پیشکین گوزلرینده دولانیر بالیق
گوزلریله تانیشلیق وئریر
آجیلیقین گیزله دیب سئوگیله یاناشیر اونا
پنجره هاوار دوروب اؤنونده دایانسادا….
***************
گئجه دیر الیمده ایکی بیلیط یتیشدیم ائوه
بو نه دیر گوروره م
ییخیلمیش باشینا ائوی
دنیزی گوزوندن آتمیش دییه سن......

اورمو

اوچون قوشلار اورمو گولو ساباح اولمایا بیلر

اوچون ، آچیلسین نفسی

کیم نه بیلیر بلکه ده سوسوزلوقدان اوله جه ییک

بلکه ده بیر گون اعتیراض ائله دییینده بوغازیمیز داها شور سو ایچمه یه جه ییک دییه

بیزلری اولدوره جکلر

اوچون قوشلار اورمو گولو ساباح اولمایا بیلر

اوشاقلارا دوغرو اوچون

دیمدیکلرینیزده گتیرین کورپه لریمیزی

یئنی نسیل بئجه رده جه یم

قان وئریب ده سو آلماغی اویره ده جه یم

اوچون قورخمایین

((بیرنفر مشروطه پارکیندا آت اوستن قیشقیریر                آی صمد بیزدن سورا اولموشدو لال تبریزلی لر))

بیر سحر گونشیله ارکین لاپ باشینا چیخیب

تبریزین بوتون قوشلارین اوچورداجاغام

اوچون قوشلار اوچون کی...

گونش کافه سینین قارانلیغیندا

تکجه بارماقلار آراسینداکی سیگارالار ایشیق سالیردی

اعتراض ائله دی تئلفونومون سسینه

ایکی اوچ ایشچی...

-یورولدوم یاشاماقدان دئدی مارییا

بیلیرسن؟

حیات بیر سوالدیر، جوابین اولن ده بیلیجن دئدیم

###

ساعات 12 اولدو مو

میخانا کوچه سینده اوله جم

اولدوگومو کیمسه یه ایناندیرامییاجام

توپوروب ایت اوغلو ایت کئفلی دیر دئیه جکلر

گونش آچیلدی می؟

یوخلوقومو آنلایاجان

گلیب لئشیم اوسته دوروب آغلامایاجان

آخی ، اولنلر سئودیکلرینی یانلاریجا آپارار

بیلیرم من نسی سئودیگیم اوچون کئتدین

گل ، قالخیز لئشیمی

سوز وئریریم داها سئومیه جم سنی

رویالاریم دا بویوتدوگوموز اوشاقلار

آیاقلار آلتیندا ازیلمه گیمی گورمه سین دئیه

منی قبرستان یوخ

آپاریب بیر اورگان مافییا سینا ساتین

باغیشلانسین اللریم

باغیشلانسین گوزلریم

باغیشلانسین حیاتا ویلچر له دوغولموش بیریسینه

مندن سونرا او سئوجک سنی

گئه نی بیر دن آددیم لاناجاق

سنی گوردویو اوچون آند ایچه جک

کیم و هاردا اولدوغونو بیلمیه جک

آغلایاجاق...

###

آنا خبرلری

_دون گئجه میخانا کوچه سینده

                                 بیر اوغلان ویلچریله برابر انتحار ائله دی....

دباره..........

این بار هم که

تاول پاهایم خشک شود

دوباره عاشقت می‌شوم

دوباره راه می‌افتم

دوباره

گم می‌شوم.

کیکاووس باکیده

مارییا من ایت...

گئچن ایلین قزه ته لرینی آلدیم

بیر بیر سطیر سطیر توم اولای لارین اوخودوم

ندنسه گلمه دین؟! یوخسا اوندان قاباقکی ایل گئتمیشدین

اه بوگونلر داغینیغام

داریخیرام

سن یوخسان

کئشکه توتا بیلسه یدیم اللرینی

دایانسایدی بئلیم دووارا

اوپسه یدیم دوداقلاریندان

او حالدا بیری سی بیزی گوروب هئچ تانیشمامیشیق کیمی باشیمیزی سالیب گئتسه یدیک

دون گئجه سون سیغاریمی آتاما وئردیم

سونرا سحره جن آچیق توکان آختاردیم

هامی قارانلیقدان قورخور..

گئجه نی آییق قالماقدان..

آما کوچه میزده بیر ایت وار گوزله رینه یوخو گیرمه ز

هر گئجه چیخیب اونا مارییا نی بیر ایت کیمی سئودییمی دییه رم و او منی سئور

هن! ایتلر وفالی دیر

سئومه سن قاپارلار.

بو گونده سنسیز یانی یاری یاری یه دونیاسیز گئچدی...

بیر ایل اینجیک لیکدن سونرا کندیمی سئومه یه چالیشدیم

سئودیم آما سئویلمه دیم

.........................................................!!!

سن و میـــــساژیمدا کـــی الله

سن و میـــــساژیمدا کـــی الله

 

بیر شعیر قاچیر بینیمدن

اللریم سورونور دالیسندان

ایسته سنده٬ایسته مه سنده بویام دئیر

سورونور سون سوزلوقونا

سیغینیر یالنیز لیقینا!

بیر تراژدی یازاجام

"ماریا"منی گورمه سه لر٫دئ کی:

اللهی او قدر کیچیکدی کی٬میساژیندا یوللاندی منه گئتمه قال دیه!

او سوز بینیمدن قاچماسایدی

بیر رومان یازاسیم گلمیشدی!

آدینی بیله دوشونموشدوم

بو اولاجاقدی:

سن و میساژیمدا کی الله.

بیر اوتاق اولاجاقدی

سئویشه جاقدیق دورمادان.

دیشلریمله قولووا ساعات چکه جاقدیم

سونرا اوتوروب گوله جاقدیق

صاباح اولاجاقدی

منی آختارانلارا دیه جاقدین

بیر آغاجدان ایاقلاریندان آسیلدئ

سونرا گولله لندئ

دیه جاقدین

قیرمیزی آلمالار دوشدی

باهاری گورمیه دایانمادی اولدی!

sali

 

Günlərdən saliydi Təbrizdə

Gözlüklərim gözlərimə alışmadan getmişdin

Günəş ışığı ağacların eyninə gəlmədən

Yam yaşıl yapraqlarını tökməyə başlamışdı

Bir qatar səsi beynimdeydi

Bir adın

Bəlkədə getməmişdin

Yuxulu durub baxdığın aynadan soruşdum səni

Sonra yatağdaki izindən

 

Sən söz vermişdin saatlardan uzaq

Dodaq dodağa..

Sən söz vermişdin əlini qəlbimə qoyub

Birər birər atışlarını duymağa

Özün istədin...

Axşam olmuşdu

Yorulmuşdu başımda qatarın səsi

Aynalar səni gizlətmişdi

Mən sənsizlığıma

Ağaclarsa yaprağsızlığlna

Utanmışdı

 

Axşamlardan saliydi Təbrizdə

Gözlərim gözlüksüz ağlirdi...